Játtan til Landsgrannskoðanina

Reglur fyri grannskoðan av landsroknskapinum v.m. eru ásettar í løgtingslóg nr. 25 frá 21. apríl 1999. Játt­an­in til Landsgrannskoðanina er sundurgreinað á undirkontu 20 og sæst í yvirlitinum her.

Um arbeiðið hjá Landsgrannskoðanini er annars at siga, at stovnurin hevur til endamáls at grannskoða landsroknskapin, sum fevnir um inn­tøkur og útreiðslur á fíggjarlógini, umframt ogn og skuld landskassans. Sambært § 8, stk. 2, skal Lands­grannskoðanin kanna, um tey í § 4, stk. 2 og 3, nevndu krøv til roknskapin eru hildin, og harumframt skal grannskoðanin regluliga kanna, um rokn­skap­­ar- og eftirlitsskipanir eru tryggar.

Umframt grannskoðan av um roknskapurin er uppsettur í samsvari við galdandi bókhalds- og rokn­skap­­arreglur, og um stovnurin hevur hildið galdandi játtanarreglur og aðrar lógir og reglur á økinum, skal grannskoðanin eisini fevna um "vanliga fyrisitingargrannskoðan".

Landsgrannskoðanin er í ávísan mun við í arbeiði, ella ummælir reglur og ásetingar viðvíkjandi eftirlits-, grannskoðanar-, játtanar- og roknskapar­viðurskiftum. Harumframt fyrireikar og avgreiðir Landgrannskoðanin mál vegna løg­tings­­grannskoðar­arnar.