Landsgrannskoðanin hevur latið løgtingsgrannskoðarunum ársfrágreiðing fyri 2021. Ársfrágreiðingin kann lesast her.

Landsgrannskoðanin skal árliga lata løgtingsgrannskoðarunum frágreiðing um úrslitið av grannskoðanini, sum Landsgrannskoðanin hevur gjørt ígjøgnum árið. Innihaldsliga er ársfrágreiðingin ein gjøgnumgongd av teimum høvuðskontum, sum eru samtyktar í fíggjarlógini fyri 2021. Frágreiðingin er sett upp eftir sama greinabýti sum landsroknskapurin.

Løgtingsgrannskoðararnir skulu leggja landsroknskapin 2021 fyri Løgtingið saman við sínum viðmerkingum í seinasta lagi 30. november 2022.